الحمد لله واخيرا قدرت اكتب حاجة بعد طول عناء انا حاسة ان فيها حاجة غلط ومش مظبوطة شويتين بس الحمد لله ان كتبت من الأساس ..وكل سنة وأنتوا طيبين
..................

هلال رمضان اهو هل خلاص
قوموا استعدوا يلا ياناس
الرحمن اهو سلسل الخناس
يــــلا نعبد الرحمن
وكمان نعطف ع الغلبان
وشوشنا مليانة بالايمان
وقلوبنا مليانة بالخير والاحساس
سما مليانة بنجوم والنور
وزينة على باب شارعنا داير ما يدور
وريحة بيوتنا مليانة بخور
ومسحراتي يصحينا للسحور
الكل فرحان الكل مسرور
اطفال تلعب بالفوانيس
والكل له خل وله ونيس
ومفيش حد ابدا تعيس
الله على صلاة التراويح
والسجود ويا التسابيح
الله على روايح رمضان
بتخلي حياتنا كلها تفاريح
وفطار يتلم حوالينه العيلة
قوموا نستقبل يلا رمضان
ونهلله كمان هليلة
لازم نرضى فيه الرحمن
ده رمضان ايامه جميلة
هلال رمضان اهو هل خلاص
قوموا استعدوا يلا ياناس