مفيش أصعب من إنك تحاول تاخد قرار تفارق حد معين

 وانت روحك فيه ، 

لأن الظروف صعب إنها تكون في صالحكم ،

 و الظروف رافضة تمام الرفض إنها تجمع بينكم....

وقتها بتحس إن الحياة بتستخسر فيك الفرحه

 رغم انه أشبه بالأكسجين بالنسبة لك ...

وفعليا وحرفيا تحس إن الحياة بتستوقفك تماما

 عند الشخص ده تحديدا ...

مفيش أسوأ من الصراع النفسي والهجوم القائم

 بين قلب محتاج. وعقل مش مستوعب ...

مفيش أبشع من الحرب النفسيه

 اللي قايمة جواك ٢٤ ساعة ما بتنتهيش ...

ما بترحمش نفسك من محاولة اجابة

 مليون سؤال وسؤال اجابتهم شبه محزنه .....

علشان كده .....بلاش تستصغر أو تستخف

 بوجع بني ادم شايف إن حياته وقفت عند حد معين ..

ومش عارف يكمل من غيره ..

.لأنه فعلا شايف استحالة العيش

 من غير قلبه ونفسه وحسه معاه ...

بلاش تستهين بشعور حد

 دنيته أشبه بكشكول قديم

 متهالك مرمي فوق رف كله تراب

 ونسيه الزمن ونسيته الأيام

 وحرمته من أكتر قلب محتاج له .. 

كفاية شعوره بالفقد والوحدة والإحتياج....

 يا تقف جنبه وتحاول تسنده ...

يا تدعي له ربنا يكشف عنه الضر ..

ويعطيه سكينة النفس.. وراحة البال.. 💕