اشتغلت مع ستات و رجالة بيواجهوا الحياة بقصة انهم

 " مكملوش تعليم " 

منهم كانوا كليات هندسة و منهم ازهر و منهم تعليم فرنساوي و غيره و حرفياً اللغه عندهم احسن من ناس درست كليتها بالانجليزي و النطق في منتهى الجمال و العقلية و الوعي توزن بلد … كل اللي ناقصهم شهادة في نظر المجتمع  

ليه مكملوش تعليم ؟ 

منهم اللي اتجوز بدري و منهم اللي اتعقد من الكلية و منهم اللي اتعقد من ضغط أهله عليه فمكملوش الجامعة عموماً

بره بلدنا الحوار ده عادي جداً مش كل الناس بتختار أصلاً تدخل جامعة، انما في بلدنا مسميينها مؤهل متوسط و مؤهل عالي و معاه ابتدائية و معاه اعدادية و شوية حجات كده … 

اقولك على حاجة ! فرصك في الشغل ملهاش دعوة بالموضوع ده خالص لكن ليها دعوة بشغلك على نفسك 

كلام خزعبلي ؟ 

طب ايه رأيك ان منهم ناس واخدة بوزيشن محترم في شركات محترمة و بيشتغلوا الحجات اللي بيحبوها بدون ما يكملوا تعليمهم ! 

عارف ليه ؟ 

عشان الناس دي بتحب اللي بتعمله اوي اوي اووووووي و اتميزت فيه للدرجة اللي تخليهم أهل للمكان ده

طيب فين المشكلة ؟ 

المشكلة ان هما عارفين ان كل مكان هيروحوه مطلوب منهم يثبتوا انهم يستحقوا الفرصة جواه و ان في أماكن مش هتآخد الريسك اساساً ولا تعتمد على السي ڤي المحترم بتاعهم طالما ينقصة مؤهل عالي 

و ان هنا حتى بياع الكشري مثلاً طالب ناس مؤهل عالي ..

 عشان ايه ؟ 

محدش فاهم

طيب لو شركة وظفته بدون شهادة في مكان محتاج لشهادة هتعرض نفسها لإيه ؟ بردو ريسك 

فالشهادة الجامعية بتعمل عمل كارنيه النادي 

عشان تستمتع باللي جوه الحياه العملية بدون ما تحس انك عامل عاملة … 

حتى لو هتاخدها في حاجة و تشتغل في حاجة تانية خااااالص

و كلامي ع الحياة العملية مش ع الفلوس خالص