نتكلم شوية عن الأصالة ♥️

الأصالة هي الدرجة اللي بتتوافق فيها أفعال الفرد مع معتقداته و رغباته على الرغم من الضغوط الخارجية 

نقولها بشكل أروق سيكا 

انك تكون حقيقي و مخلص لشخصيتك و قيمك و روحك بالرغم من كل الضغوط اللي بتزقك تكون غير كده 

فل ؟ 

——————

ايه العوائق قصاد انك تحقق الموضوع ده ؟ 

١- قلة إحترام للذات 

٢- خوف من أحكام الآخرين 

٣- رغبة شديدة في اعجاب الناس بيك 

——————-

ايه علامات انك مش أصيل ؟  

١- بتسأل نفسك ورا كل كلمة قولتها لأي انسان كان صح اقول كده ! 

٢- الرغبة في اسعاد الناس على حساب نفسك زي انك تقول اللي انت حاسس ان الانسان اللي قدامك عايز يسمعه مش اللي انت عايز تقوله ( مثال مش حصر ) 

 ٣- مقارنة نفسك بالآخرين 

٤- عدم الثقة في الناس عموماً 

٥- بتركز مع غلطات الناس و تشيل الهم 

٦- الكذب 

٧- التزام الصمت أو المماطلة أثناء الجدل 

٨- مبتمشيش طريقك الخاص 

٩- مش عارف تتواضع

١٠- مش عارف تتعاطف 

١١- مبتفكرش لنفسك 

———————

ازاي تعرف انك أصيل ؟ 

الناس الأصيلة مبتخافش تكون فريدة من نوعها 

 بيحبوا عيوبهم و غلطاتهم و مبيخافوش يظهروها زي ما هي 

 سواء كان ده هواية مش عادية، أو حس أزياء مش تقليدي، أو طريقة تفكير مش تقليدية،

 الناس الأصيلة عندهم شخصيتهم الفردية.