"هو انتي مبتناميش ؟" 

ده سؤال معظم المتابعين بيسألوه و ده لأنهم بيلاقوني اونلاين في اوقات متفاوتة جداً و بغض النظر عن ان أي حد ممكن يعمل 

Schedule 

للبوستات فتنزل و هو نايم، الا انهم بيحسوا اني دي انا و اني صاحية و انا بحترم احساسهم بصراحة لأنه حقيقي 

طيب 

الحقيقة اني مبعملش حاجة على مدار يومي أد النوم ! 

شخصية كسولة شويتين تلاتة، فاخترت اني أشتغل من ع السرير و ان معظم اللايف ستايل بتاعي يكون بدايته و نهايته السرير 

هتكلم عن روتين نومي و اهتمامي بالموضوع ده بالتفصيل في بوست تاني و لكن خليني أقولك هنا مواعيد نومي ! ببساطة انا بصلي العشاء و بسلم نمر 😌

= ايه ده يا آيه ! ده شغل عواجيز ده 

- عايز تعتبره كده براحتك ! لكنه الحقيقة بيحافظ على بشرتي و جسمي و روحي و نفسي و بيريح أعصابي جداً جداً و ده أكتر روتين ارتحت فيه 

= هل ده معناه اني مبسهرش اوقات ؟ 

- بسهر عادي بس لما يبقى في حاجة تستاهل 

= هل ده معناه ان بيفوتني حاجة مهمة ؟ 

- لأ! مفيش حاجة مهمة بالنسبالي ع الأقل

و معنديش 

FOMO “ Fear of missing out “ 

مبشوفش اني لازم اكون حاضرة في كل الاحداث و التفاصيل و الا الحياة كده تبقى يك ! 

بالعكس 

بشوف ده حرق لشخصي و مقبلش أعمل ده في نفسي 

حركتي و خطوتي عزيزة 

ببساطة 🥇