علامات انك فى علاقة مملة :-

١- الروتين : حلو انك تعمل روتين مع أطفالك مع الحيوان الأليف بتاعك أو حتى فى شغلك، لكن مش فى العلاقات الرومانسية 

يعنى لو هنخرج كل جمعة لنفس المكان نعمل اوردر لنفس الأكل، ملل

٢- قاعدين فى مكان واحد و كل واحد ماسك تليفونه، اشارة واضحة لعلاقة مملة 

٣- مبتتكلموش عن مشاعركوا ! حتى لو المشاعر سلبية يعنى هتحلوها ازاى من غير ما تتكلموا ! 

٤- بقيتوا بتتخانقوا على حجات تافهة 

ملاحظة : (العلاقة الصحية علاقة مملة عادي ) 

----------

تعمل ايه لو انت فى علاقة مملة :- 

مبدأياً مهم تعرف ان ده بسبب دخولكوا لمنطقة الراحة ال 

Comfort zone 

طالما وصلتوا لمرحلة الملل مهم تعرفوا ان كده انتوا الاتنين مملين بالمناصفة ٥٠٪؜ !! 

و ان ده وقت انكوا تجربوا حجات جديدة ... هوايات، أشغال، أنشطة، أى حاجة 

بدأت و الشخص اللى معاك لسة ممل، متفضلش تبكته و تلقى اللوم عليه، كمل فى اللى بتعمله و خليه يتفرج 

مفروض لو انت مبقيتش ممل، الشخص اللى قدامك هيجيله الهام و يتلحلح معاك مع مرور الوقت

———————

إعمل لنفسك حياة يومية ميتزهقش منها ببساطة