الفرق بين الموظف و صاحب العمل ان الفلوس اللي بيعملها الموظف في شهر بيعملها صاحب العمل في يوم

قيس ع النسبة دي المجهود المبذول بقى 

= طيب ازاي يا آيه و الموظف بيقعد اليوم بطوله يشتغل و صاحب العمل قاعد في بيته رايق ! 

- ببساطة من أول ما قررت تدير شغلك الخاص و انت بتتبنى شخصية حلال المشاكل، و المشاكل مبتتحلش بالإيد ولا بالوقت 

المشاكل بتتحل بالدماغ 

و الدماغ عشان تعرف تحل لازم تتحرر من كل أنواع القيود اللي بتحطها لنفسك و تنفتح على كل أنواع الحلول بهامش المخاطرة بتاعها 

و العملية دي عشان يوصلها انسان اعرف انه اتداس عليه رايح جاي من الحياة كتير أوي لحد ما استسلم انه مجرد حلقة في سلسة و انها مش ماشية بايده و وقته زي ما الموظف بيفكر 

ماشية بدماغه و توجهاته و نفسه و نيته الصادقة في اللي بيعمله 

عشان كده صاحب العمل ده لازم يتعلم كويس أوي ازاي يفصل دماغه و ينفصل عن الواقع و يبص ع المسائل من بره و ميعتبرش شخصه جزء من الحل  

و ده بيخليهم من أكتر الناس الفرفوشة الصايعة، لأنه بيهتم بوقت الفصلان زي ما بيهتم بوقت الإنتاج و عارف ان كلاهما على نفس درجة الأهمية

و ان بدون وقت الفصلان ده مش هيوصل لوقت الانتاج ده.