الواحد كل ما يكبر أكتر حاجة بيلوم عليها نفسه هو عدد المرات اللي غلط في أهله أو حس بالمظلومية أو منعهم خير أو لام عليهم أو توقع منهم الأفضل ! 

لأن طول ما انت صغير بتبقى فاكر ان وجودك لوحده كفاية عليهم و انك مهم جداً

و أهميتك دي بتديلك الحق تتحكم في كل تفاصيل حياتهم ! 

و اللي عمل كده هو قلة فرض الحدود و الوعي بيها من الأساس 

الصورة الذهنية اللي بتتكون نتيجة الموضوع ده محتاجة ميزان محترم جداً من كل شخص عنده رعية و بيربيها أو مسؤول عنها

انت ممكن تصدر لعيالك انهم اهم ما في حياتك 

ف ده ينفخهم عليك و يخليهم يغلطوا في حقك كتير و بدل ما ينمي جواهم حب الذات و القبول و الشبع

 ينمي الإيجو و بس! 

و لو سكتت على إحساسهم بالمظلومية يعيشوا عمرهم كله في دور الضحية و يجذبوا مواقف تعزز ده ! 

و لو قبلت تتنازل عن خير ليك في سبيل رضاهم هيتعلموا هما كمان انهم مش أهم حاجة في حياتهم الشخصية و يتنازلوا مع الوقت عن خير كتير ليهم بردو 

و لو سكتت على لومهم ليك أو توقعاتهم للأفضل هتخليهم ناقمين دايماً على النعمة و مش حاسين بيها ! 

———————

في الآخر عيالنا مسؤولية بنحبها و معتزين بيها لكنها مينفعش بأي حال م الأحوال تكون أهم من نفسنا 

العيال بتتربى بالقدوة مش بالسكوت و القوالة ! 

و دايماً و انت بتربيهم إعمل ليوم يفر المرأ فيه من أخيه و أمه و أبيه ♥️

ربي و انت مش خايف لتخسرهم او يزعلوا منك او او او !!!!