عارفين عرفت إزاي خبر صعود أول سفينه للفضاء 🤔

مش هتصدقوا

إني عرفت الخبر من ……مجلة ميكي 😳

كانت كل يوم خميس فيها قصه مسلسله عن رحلات

سفينة الفضاء : أبوللو ………

كنت باحب مجلة ميكي أكثر بكثير من مجلة سمير 

مجلة سمير ماكانش فيها عم بطوط

أحلى شخصيات مجلة ميكي على الإطلاق

حتى أحلى من شخصية ميكي نفسها 

نرجع لحكاية أبوللو

أياميها ما كانش الخيال يقدر يتوقع تبعات هذه الرحلات الفضائيه

كنت ببراءة طفله لم تصل حتى لعمر عشر سنوات أقول لنفسي

يعني هيعملوا بها ايه يعني ؟!!!!!!!!!!!!!🤔

دلوقتي

بعد مرور عشرات السنين على وصولهم للقمر

و الثوره العلميه 

أو نقول ثورة بركان الإتصالات الحياتيه المعاصره

انتم مستوعبين جيلنا كان عايش ازاي

احنا ما كانش عندنا ……نت

و لا طبعا موبيل

جيلنا كان علشان يطلب محافظه غير محافظته

لازم يتصل بمكتب الاتصالات اسمه : الترنك

لازم علشان نكلم جدودنا في قريتهم نعمل ترنك

نقوله عايز الرقم الفلاني

و طبعا نعطيه رقمنا لإن الموظف ليس لديه كاشف للرقم 😳

و ننتظر بقى حوالي ساعتين

و يستحسن بعد الساعه ٧ مساء علشان سعر المكالمه أرخص 👍

و كمان فيه option مكالمه مستعجله بسعر أغلى 😳

متخيلين حياتنا كانت ازاي لو عزيز علينا إتأخر في العوده للبيت 🤔

و أخذتنا الهواجس و التوقعات بعيدا

متخيلين ان مراسلتنا كانت كلها بالجوابات أو الرسايل الورقيه

و في المناسبت الحلوه أو الوحشه كان فيه حاجه إسمها : التلغراف ( البرقيه )

تهاني

أو تعازي

لكل واحد نموذج

و بيتحسب ثمنه بعدد الكلمات 😳

ايوه هي دي كانت حياتنا

و لا طبعا كان عندنا واتس ولا أي حاجه

شفتم رحلات الفضاء للقمر قلبت الحياه إزاي 🤔

لذلك

لما بأقرأ عن الرحلات للمريخ

بأفكر

ياترى حياة الأجيال القادمه هتكون إزاي 🤔

العلم

العلم

ثم العلم

لازم تتعلموا كويس قوييييييييييييي

لازم تواكبوا التقدم العلمي

أوعوا تتغروا بالشغلانات اللي كلها فلوس و حلاص

دي شغلانات بتفكرني بالآيه الكريمه

" كمثل الحمار

يحمل أسفارا "

سورة الجمعه

لازم تبقوا انتم - يا جيل يا جديد- الخبر الذي بيتعمل عليه review

وليس الذي يقوم بترديد الخبر مثل الببغاء

كفايانا ببغاوات

كونوا انتم ما تتحدث عنه الببغاوات 💪💪💪