1- إزاي في مصر وهي أكبر دولة سياحية ومصدره لأفضل نوع قطن وكتان في العالم مفيش على الترابيزة بتاعتها منديل؟

 

بالإتيكيت لازم منديل كتان مطبق موجود فوق الطبق بنحطه على حجرنا، مش مفرش بلاستيك رخيص تحت الطبق زي ما ظهر في الفيديو. 

 

2- بالإتيكيت المفروض السكينة تتحط يمين الطبق والشوكة شماله مش العكس، علشان ما نعملش حركات تبديل في غريبة في بداية الأكل زي ما حصل في الفيديو.

 

3- في وضع الPause لما نوقف الأكل مؤقتا المفروض بالإتيكيت نسيب الشوكة والسكينة داخل الطبق، وسن السكينة للداخل، مش زي ما حصل في الفيديو، وده في المطاعم معناه للويتر انك لسه مخلصتش أكل..

 

4- المفروض بالاتيكيت نمسح ايدينا وبؤنا في المنديل مسحة خفيفة، مش نمسح الكفين في بعض زي ما حصل في الفيديو.. في وضع الPause في المطاعم لو رحنا الحمام بنسيب المنديل على الكرسي، ولما نخلص نحطه جنب الطبق.

 

5- بالإتيكيت المفروض منطلعش صوت عالي مزعج لخبط السكينة في الطبق..

 

غريب ان حد مش دارس يعلم الناس، لإنه أكيد هيعلمهم غلط، والمؤسف لو ناس صدقته بدون التأكد من مؤهلاته وصحة معلوماته، ومعرفة مصدرها. علشان كده التعليم له شهادات. 

 

#فيرا_زولوتاريفا