١- اختاريه صح:

- أهم حاجة متحبسيش قدمك جوه Heels مقفولة من كل الجهات، لازم تكون مفتوحة، من الامام او الخلف او الجنب.

- لو الكعب رفيع لازم يكون داخل لجوه شوية تحت منتصف كعب القدم بالظبط مش في آخر الHeel.

- المقاس لازم يكون مظبوط جدا، اوعي تجيبيه كبير او صغير..

- بلاش تلبسي كعب اقصر من ٣ سم، اما طويل او بلاش خالص.

- لازم يكون جلد طبيعي عالي الجودة خصوصا من جوه.

 

٢- امشي بيه صح:

- خطواتك لازم تكون قصيرة، ومعدلها اسرع من العادي، لكن سرعتك في المشي تكون عادية او بطيئة.

- في المشي ارفعي الفخذ الاول شوية وبعدين حركي القدم لقدام وبعدين نزليه لتحت. بشوف ناس بتمشي بيه كإنه كوتشي وده غلط جدا.

- الكعب يلمس الارض الاول، وبعدين المشط، وتحملي ثقل جسمك عليه "مش على الكعب" علشان ضهرك ميوجعكيش.

 

٣- على السلم:

- لو الترابزين موجود اسندي عليه بايدك.

- في الطلوع حطي قدمك على درجة السلم بالكعب ثم المشط وحملي جسمك عليه.

- النزول بالمشط الاول وحملي جسمك عليه ثم الكعب..

 

السنة دي Calvin Klein نزلوا Heels موديل اسمه Rubberside مش بيتزحلق ومش بيطلع صوت..

 

طبعا له Dress code لأماكن واوقات معينة نلبسه فيها، و Trends لازم نواكبها اخترت لكم منها بعض موديلات مريحة سواريه وفورمال ل 2022.

 

لو ليكي صديقة بتتعب منه اعمليلها منشن علشان نفيد بعض.

 

بحبكم ومش عاوزاكم تتألموا لأي سبب. ❤️

#فيرا_زولوتاريفا