أنا من شبرا،،

أنا من شبرا وفاكر أيام ما كنا ننتظر نزول الفراخ المستورد في الجمعية،، جمعية النيل الإستهلاكية، 

أنا من شبرا،،

وفاكر لما كنا نقف طوابير على الفراخ المستوردة في الجمعية، وكل واحد ياخد "بون" به ٢ فرخة لا أكثر، ونستلم الفراخ المستوردة وإحنا فرحانين قوي بإننا نُلنا المراد.

أنا من شبرا،،

وفاكر إن من الزحام الشديد على الطوابير كنا نشتري الفراخ المستورد من السوق السودا بسعر أعلى شوية من سعرها في الجمعية،، وكنا نتلهف عليها.

أنا من شبرا،،

مسمعتش طول عمري إن الفراخ المستوردة وحشة أو مضروبة،، واتربينا عليها وصحتنا زي الفل.

أنا من شبرا،،

ومستغرب من الناس اللي كانت بتصرخ أين الإستيراد يا حكومة،، ثم الآن بيصرخوا إلا الإستيراد يا حكومة.

أنا من شبرا،،

ولولا إني اشتريت في سنين عمري الفراخ المستورد واستمتعت به،، لكنت اتلخبطت واستغربت واستعجبت،، وخفت واترعبت من اللي بيتكتب عن الفراخ المستورد اليومين دول.

وعجبي،،

أشرف الكرم.