انا: هنعمل ايه ف غلا الاسعار ده يا حوده، دبريني

حوده: مش عارفة،، ببجولوا هتنزل بعد حرب الكرونيا

انا: حرب الكرونيا؟ يا خراشي،، هههههههه، ما علينا هو فيه حاجة بتنزل؟ ولو نزلت شوية مانت عارفة معظم التجار ف مصر ربنا هيعمل لهم جهنم خاصة بيهم

حوده: اه والله يا مدام،

انا: الحل مش هينفع للأسف يكون شامل،، لازم يكون فردي ، نشارك في مبادرات ونلحق اهالينا وداخل علينا شهر كريم

حوده: .....????

انا: اقصد كل واحد يحاول يساعد اللي جنبه اد ما يقدر وهي ايام صعبة لازم نساعد بعض 

حوده: ربك يعدلها وحرب الكورونيا دي تخلص بس

انا: ييييه يادي حرب الكرونيا،، لا بقى احنا عاوزين قعدة

حوده: اخلص بس اللي ف يدي وفهميني واحنا بنفطر

انا: عيوني يا بيبي

حدث بالفعل

ملحوظة: حوده هي (ام محمود) المساعدة بتاعتي ومديرة شؤون منزلي وصاحبتي وبطلة معظم بوستاتي

يتبع@

#كتف_في_كتف

#التحالف_الوطني_للعمل_الأهلي_التنموي