وفي طريقه للشغل يبقى راكب مكروباص في امان الله السواق بتاعه ميرضاش يمشي  عشان الركاب باعتينله ورقة بمية وهو مش معاه فكة 

فتضطر تنزل  تاخد تاكسي وكلك امل ان الحمد لله ربنا ألهمك الصواب وانك هتوصل ان شاءلله في معادك مظبوط

واثناء تفكيرك اللي كله تفاؤل  هوب يروح التاكسي  عطلان ووقتها  انت مسير مش مخير 

 مينفعش تركب غيره لان السواق بيوعدك ان العربية دقايق وهتتصلح 

فتفضل مستني جنبه  وبعد نص ساعة من الانتظار الطويل ومابين هانت ومعلش وخلاص قربنا 

هتلاقيه  يقولك ان العربية لازم تروح للميكانيكي 

ساعتها هتضطر بكل اسف مطرق الرأس انك تمشي لحد اقرب مترو عشان تنقذ ما يمكن انقاذه فتروح تلاقي الراجل اللي بيقطع التذاكر قافل الفتحة الصغيرة اللي بيكلم منها الناس لانه بيشرب شاي اخضر ومش عاوز حد يزعجه أثناء ارتشافه 

فتضطر انك تروح لزميله البطئ الرخم اللي على الشباك التاني اللي بيقطع التذكرة فيما يتراوح بين خمس دقايق لسبع دقايق ونص 

وبعد ما تستسلم تذكرتك وكأنك استلمت اليوبيل الذهبي تروح تركب المترو فتلاقيه لسا ماشي حالا وتضطر تستنى اللي بعده اللي هيجي بعد خمس دقايق ان شاءلله.. 

 

دي  بقا حياتي

تحبوا اكمل ????

 

#monaelokda منى العقدة