وسيف الحر ما تلمش

ودايما ف الحق حاند

غير علي نفسك ما تلمش

يا ناقص ع الحق تعاند

***

قول الحق إن ما تلوعاش

ويا قول الحق ديمه

زمنه سوا مات لو عاش

اجري وراه الحق قديمه

***

قول الحق ودناه

لصحابه سلف ودين

ومن ودناه ودناه

فوق الحق الود ودبن

***

شاهد الحق لو واع

يقولوا ولو لاقي مزله

ومن كان في قولوا لواع

تلاقي سهم الله نزل له

***

والدنيا للدون حواجه

وان كانت عصايته عوجه

حتي ان لاقوا خواجه

يتاخد ما هو لجل حوجه

***

اذ كنت ف خير احبابك

ويقولوا فينك نجيلك

وان ما دق الفرح بابك

عايزين يقطعوا نجيلك

***

ينجي الانسان بالصبر

ولو عنده ولا مية خلل

وإن جه ميعاد القبر

هيموت ولو م الملل

***

جعان كما لقمه خمنا

لما اتخدعنا ف نواهم

جينا عند عازولنا اتلخمنا

لاقوه كان كنه دواهم

***

ما يسامح الناس ويعفى

الا اللي بزرته نفيس

وان لقي مكروب تكفي

لو نفس عنه تنفيس

***

ولكل مشتاق ريح

ياخده لبيت محبيه

قرحتي قلبي تقريح

ولا عيش شمسي بتقلبيه

***

جه اليوم وخان زمانه

والقلع بلا ريح وعايم

جه السبع يُاخد مكانه

لَقَي قرد ع البخت نايم

***

مسحوق الواطي مارغاش

علي ايه؟ ما كله لهدومه

لساني مع الدون ما رغاش

لحد ما يلاقي له نومه

***

المطر نازل والعالم اتبل

خدنا عندك قوام الحق

ياما ناس لجل الضروره تقبل

ع الظلم رغما عن الحق

***

عشان نويانا سوده

ركبنا الخسيس بقي امير

مش عيب كراسي الاسوده 

لما تقعد عليها الحمير

***

حق الله لا ف دون نداوي

واربى ف رخيص ما اربى

اهو نجموا ع الاعداء ضاوى

طاب نعمل بسي يا ربى

***

قول حق ف لسانه ما يتقل

واللي يبيع يعيش مخزول

ده التقيل عمره ما يتقل

عن مكانه ان كان معزول 

***

يلا كل عيشك بملحك 

حتي ولو ابنك عقك 

داوي حزنك بفرحك

ولا بد ما ترجع حقك

***

اخد لبن الناقه رايب

ان قال قول ما قالش

واه من شمت القراييب

فوق وجعك يفرش له فرش

***

غريب يحلب م ناقه رايب

ولين ما تروح تلاقي نواهم

منه قرايب و منه القرايب

وطالبين من اذاك دواهم

***

لا تمشي الطرق واحديَك

ولا شمس حبايب بتحرق

حقاش تحاديني واحاديك

وابعد من عالم بتسرق

***

من يكرهك ابدا ما يحن

حتي لو اهداك جواده

السن ضاحك عاد للسن

وشايل ف قلبه سواده

...

ماحد يشيل م الناس

ولا حتي للي ربه عصا

تخالف الله تعيش محتاس

ولو ملك وف ايدك عصا

***

من يحبنا نحبه

لا نشوف بعده ولا قبله

ومن كرهنا نكبه

ونكره حتي ما نقابله

***

انصحك واتلف تنهب

يا َمقنف بلحك صاص

شنب الزمار برضه بيلعب

لو علقوا له رصاص 

***

اياك تحترم الحزون

اللي عامل بره زين

تكلمه كلامِ موزون

يروح يتمسك بالرزين

***

ويا قلب السعك بالبصه

ما تقولي ارعي ف مرتعي

تبص عليك سيبها باصه

ولا تعمل نفسك له مرتعه

***

ومهما نقيمه ما نقيمه

شبعان من بعد ذله

شايل جواه نقيَمه

ابعد عنه وعن غله

مهما عملنا قيمه

من جنب البقر ما تحله

***

واللي وقت الخير حبابك

واغلبهم كمان قالوا نجيلك

اهو ده اللي لا تقوله حبابك

ولا اهلا لا يقطعوا نجيلك

***

الليل دايما طويل

للي مستني اعدامه

زمن الصادق الاصيل

ما حد يسمع كلامه

***

الواطي ميت وهو عايش

ما حد عامله حساب

كما اخر الدبيحه معايش

مليان مر ورساب

***

الحر ف الضيق راطنه

واياك لاصيل تعادي

وابعد من صاحب بطنه

يسوق بيها عليك الاعادي

*** 

اللي يخلص لك له وافي

واللي يفيدك فيده

وماتقوش للواطي عوافي

لو كان حياتك ف إيده