ناس كتير اوي بتبعت تسألني ليه بتكلم عن عبد الرحيم ومش بتكلم عن حمدي منصور.. ابويا.. والشاعر الكبير.. وصديقي.. وأستاذي.. وأكتر شخص اتعلمت منه وعايشه على صوته وكلامه ونصايحه ليا.. 

عارفين الشخص اللي واقف على تكة وينفجر.. ده انا.. 

راضية جداً بقضاء الله وقدره وعارفة انه ارتاح ومبسوط وبيطمني عليه وبيجيلي في الحلم مبتسم وجميل.. 

بس الفراق صعب مش قادرة اتصالح مع فراقه.. وأحياناً كتير بحس اني عايشة بقضي وقت لحد م اروحله.. 

صدقوني عندي كلام كتير عنه.. بس مبقدرش اتكلم.. صوتي بيتخنق.. ومبعرفش اخد نفسي.. ودموعي بتتسابق زي الخيل اللي بتجري في شمس بؤونة.. 

بحبك يا حمدي ووحشتني اوي.. وعلى فكرة حمدي الصغير فيه كتير اوي منك.. لدرجة أنه أحيانا بيعمل كوارث بس بقف اضحك لانه بيفكرني بيك.. وانا عمري م نسيت.. م انت سايبلي اللي يكفيني عمرين على عمري برضو يابو منصور.. ربنا يبارك في سفرك ويسعدك يا حبيبي ويجعل بيتك الجديد روضة من رياض الجنة ويونسك فيه..