كملي

لازم أقولك كملي

ما انتي اللي عودتيني انك تقدري

وقت الشدايد تصبري

وعلي كل صعب بتعبري

وتعدي كل مستحيل

مهما كان ليلك طويل

بكره فجرك مسيره طالع 

اصبري----------

طول عمرك يا أما سانده ضهري 

طول عمرك صالبة عودي

بكلامك عن تاريخنا

وحكاياتك عن جدودي 

اللي بنوا و قاموا حضارة 

واللي نحتوا في الحجارة 

علشااااااني أنا

أبقي هناااااااا

أنا الفرعوووووون الصغير 

اللي قدر للكون يغير 

ولعقولهم بأسراري محير

ناس كتير كتير

أنا ابنك يا مصر

بكرة و امبارح وفي كل عصر

واقف وراكي

حامي حماكي

وروحي فداكي 

علشان كده بقولك كملي

كملي انتي تقدري