إحساسي ميت م الوجع فيا

والنبض ساكت مش لاقي حنيه

مصدوم وكاتم لوعته وخوفه

مشاعره فيا متفرفطه حروفه

والحب واقف على طرف م الحافه

 ناوي الهرب من دنيا مختلفه

والله خايفه م الحب يهرب أموت 

قلبي الضعيف ملقاش ربيع وبيوت

دانا قلبي شبعكم بشوق مالهوش حدود

           دووب مشاعركم

        شبع جفاف روحكم

  طب ليه برغم القرب والجيره

          بعيده وأسيره

الحب في زمنكم ليه صبح عيبه

والمصلحه أقرب صديقه وحبيبه

انا دمعي جوه العين بقى كل أصحابي 

       والألم هو أعز أحبابي

طب يرضي مين ؟؟

 إللي ساقتكم م الفرح فدادين

تغرق عيوني في بحر م الأحزان

ياقلبي أوع تلوم 

ولا تعاتب البيعين

 دول رخصو بينا عشرة سنين وسنين

ياقلبي سيب الدموع تشتكي لله

سيب الدموع تمحي ذكرى من الأحزان

... نور حجازي ...