ميت في عيني

           مع إن نبضك حي

      كل ملامحك فيك

 كما بيت وهجره الضي 

       بارده حيطانه   

         والدفا خانه

      عَشش مكان قلبك 

           الغل والغيره

   كرهت تعشش فيك الفرحه 

        وزهرة الياسمين

مش مجبره تعشق معاك سنين أسرك 

         الوقت طوول وقتك 

            بيمر وقته حزين

أنا بستعيذ منك وقربك الملعون

يارب ابعدني عن حضنه أخر الكون

        شكاك وظنك سوء

 شتان مابين اتنين لو دنيا جمعتهم 

    قلب بيعشق الحب والفرحه 

   وقلب يدفنها ويطفي أنوارها 

كل الكلام وياك جارح وأخره ملام

والليل معاك قلقان بارد ماهوش دفيان

 ماحس بين إيدك براحه أو بأمان

مش كل حب جميل يجمع مابين قلبين

ساعات يكون كداب كلام ومتزوق 

وقت المحن بيبان مين اللي كان أصدق

ياللي عشقتو الحب متشوهوش سيرته

بدايته ورد وفَرح 

ونهايته قلب إنجرح

خلاص بلاش منه

دي الوحده أفضل ونس

من قلب باع راحته