على مرمى البصر شيفاك

    واقف قصاد مني

  شيفاك بعيني ملاك

     والقلب والنني

مين اللي هيشوفك بعيونه بس ملاك

        غير قلب بيحبك

      طول عمره يتمناك

وعين بتترجاك ماتغيب ف يوم عني

  أنت نجوم ليلي قمر منورني

دانا قلبي من فرحو لما لمح ضيك

        سابني وراح عندك

 يهمس لدقاتك ويقولوا أنا جنبك

والفرحه من شوقها باتت على خدك

       أه يانسيم الشوق

      قولوا القمر مخنوق

       لو ماشاف حُسنك

        بحق ليلة القدر

     وبُعد السما م الأرض

أنا قلبي مابيحياش إلا وانا ف حضنك