سيباني لمين ردي عليه
يامشاعر حب وحنيه
وسنين حلوين
سيباني في دنيتي وحداني
طب ليه ساكته ومش سامعاني
ليه ماشيه وسايبه القلب حزين
طب رايحه لفين
وحياة العمر اللي مابينا
وأفراح كانت حلوه مابينا
ماتسيبي الحزن يسكن بيتنا
ردى عليه
ماليش أنا غيرك في الدنيا
بصي وشوفي هنا كدا صورتك
محفوره في قلبي مابتفرقيه
طب رايحه لفين كدا من دوني
فين عهدك فين
خيبتي في قربك ليه ظنوني
لو زعلتك أنا ياحياتي بتأسف لك
وحياة حبك انا محقوق لك
أنا اعيش مع مين أنا من بَعدك
فتحت عيون قلبي عليكي
إنتي الدنيا إللي بعيش فيكي
إزاي قادره تمشي وقلبي بيصرخ يامعين
ودموعي بتحضن هنا صورتك
بين الجفنين
ماشيه كدا عادي ومش فارق
أنا عندك فين ؟؟
طب ردي وقولي ولو حرفين
أنا راضي تاخدي الروح مني
بس تعودي
ياللي بُعدك عني قاتلني
وماعدتش حاسس بوجودي
أه ياحيرة قلبي وعذابه
الموت مش راحه للغايبين
الموت الحق للي عايشين
واللي في بُعدك
الروح منهم بتروح منهم
إرجعي ليا
ردي من تاني الروح فيا
وحياة من جمع بين قلبين
ردي بكلمه أو نظرة عين
خدي عمري وعيشي معايا يومين
وانا أفدي روحك بعنيه
سيباني لمين 😥