ما حدش بيفتش على صحيح وضوئنا
ماحدش بيعرف اننا صايمين و لا لأ
كلها حاجات #سريه بيننا و بين إلهنا
قمة الرُقي في متابعة ربنا لينا
قمة التحرر
لذلك
كل عمل بن آدم له
الا .......الصيام
فإنه لي
و أنا أجزي به
معنى حديث قدسي
( حديث قدسي:يعني كلام من الله مباشرة و ليس قرآنا )
لإن برضه الصلاه بتبقى امام الناس حتى لو وضوءنا بيننا و بين ربنا
انما الصيام ١٠٠٪‏ بينا و بينه هو بس
قد ايه ربنا مش بيضغط علينا
و سايبنا على حريتنا
و بيقدر مشقتنا في أي فعل نعمله لإننا بنحبه
بالله علينا
إله بيعاملنا بكل هذا الرُقي
يستحق ان نخالفه
يستحق أن يرانا في وضع يغضبه
يستحق نتبلا عليه و نقول ان قلوبنا ما تقصدش !!!!!!
قلوبنا ما تقصدش لو كان العمل اللي بنعمله حلال
ساعتها الحكم حسب النيه
زي مثلا الصدقه
هل نيتنا ربنا يرضى و لا الناس تقول كريم
لكن لما يبقى العمل حرام اساسا🙃🙃
ماحدش يقولي نيتي سليمه
ده عمل لا يرضى عنه ربنا من أصله
عمل متحرم
و الأسوأ
لما نلاقي حد بيجبرنا
ايوه
لا اجبار في الدين
" لا إكراه في الدين "
عُمر ما فيه اجبار يُنتج مؤمنا
الحريه فقط هي اللي تؤدي للإيمان
كل واحد فينا لازم يقرأ
و يفكر
لإن ربنا خلق لكل واحد عقل
و هيحاسبه على عقله و دواخله
هو يعلم مافي الصدور
مفيش حد هيقدر يضحك عليه
كل واحد فينا عارف هو بيعمل ايه ؟
و علشان إيه ؟
و ربنا مُطلع و شايف