سئل رسول الله صلى الله عليه و سلم
ماذا يحتاج الإنسان لحياته ؟
فأجاب عليه الصلاة و السلام : طعام يكفيه
و دار تأويه

قالوا ؛ و الدابه
فأجاب عليه الصلاة و السلام ؛ بَخٍ بَخٍ……..كلمه بكسر منون تحت الخاء تُقال للإستحسان عند العرب

الحمد لله على الطعام و المنزل

و لو سياره يبقى نحمد الله اكثر
المساحات بقى
و الكمبوندات و خلافه دي حسب طموح و تعب كل انسان
عمرها ما هتيجي الا بالكد و الجهد و الكفاح و الصبر

هناك رزق يطلبنا
و هناك رزق نطلبه
كما قال سيدنا علي رضي الله عنه
الرزق الذي يطلبنا ممكن يكون ما يسد الجوع فقط و لو عيش حاف
لكن الرزق الذي نطلبه حسب طموحنا

هأقولكم مثال يشرح قصدي
سائق تاكسي كسول
قال
انا بأخرج استرزق رزق الفطار
اجيب ثمن الفول و العيش
و ارجع انام 😳
بعد كده اخرج اجيب رزق الغداء
برضه فول و عيش و ارجع استريح
و هكذا في العشاء

بالله عليكم ينفع كده ؟!!!!!!!!
ليه ما يتعبش نفسه اكثر
و يجيب ثمن تركي مدخن و كرواسون و جاتوه للفطار
و ليه ما يشتغلش اكتر
و يجيب ثمن لحمه و خضار للغداء
و كباب و كفته للعشا

و يشتغل اكتر
و يحوش اكتر
و يكفي مصاريف بيته

هذا في رؤيتي هو الفرق بين الرزق الذي يطلبنا و الرزق الذي نطلبه و نطمح إليه
الطموح مش حرام
الطمع هو اللي حرام

آفتنا ( من الآفه ) …….الكسل
و إلا
ما كان لدينا دعاء
أعوذ بالله من العجز و الكسل
و غلبة الدين
و قهر الرجال