- هل تعلم ان ممكن الإبن يطلع بيعرف ربنا اكتر من والديه ؟!!!!!!

-ايوه طبعا ممكن......
لما ينشأوه انه كل ما يطلب منهم حاجه يردوا عليه؛
#أدعُ_الله
( معلش فعل الأمر بيتحذف فيه حرف العله الواو مش قادره اكتبها ادعو/ او ادعي بالعاميه 🤣)
فوالداه كده
بيعرفوه على القائد الأعلى بدون وسيط
بيلقنوه درس عملي
عن قدرة الله

طبعا ممكن ساعتها يشرحوله ظروفهم
و أولويات المصاريف
لكن بتتقال بعده كلمة ربنا #القادر
لو اراد ....هيرزقنا من حيث لا نحتسب

و طريقة التربيه دي جمالها متعدد
*اننا بنوسط روح بريئه طفوليه ربنا بيحبها تدعيه
*اننا كمان ساعتها بنبتهل بعمق بإضطرار لربنا انه يستجيب
" أمن يجيب المضطر إذا دعاه "سورة النمل
* علاوه على الدرس العملي لولادنا في معرفة الله سبحانه و تعالى
•* الفائده العظمى
ان ولادنا يحبونا في الله
ايوه
مش عايزين حب الا في الله سبحانه و تعالى
مش عايزين حب مصلحه دنيويه
عايزين حب لا يتغير بتغير الظروف
ما كان لله دام و إتصل….وما كان لغير الله إنفك و إنفصل🤔
اللي بيربي على الدين هو الكسبان
لإن الحب سيبقى ما دامت السماوات و الأرض