هو احنا ممكن نلتمس للجيل الجديد العذر…..بس يعني ما نلتمسهوش قوي كده
و ممكن أكتر نلتمس للجيل الجديد اللي ما عاش معانا زمان اواخر الستينات و السبعينات و الثمانينات و التسعينات و بداية الألفيه التانيه
لكن ما ينفعش نلتمس العذر لمن عاش
سنة ٢٠١٢ و سمع معانا نصيحة رئيس الوزراء اياميها
اننا
نلبس لا مؤاخذه قطونيل و نقعد كلنا في غرفه واحده
لما كانت الكهرباء بتقطع بدون نظام ولا جدول
و كان معاها طوابير البنزين
في حين انهم كانوا معشمينا ب…..طائر النهضه…….😂🤣
على الأقل
حاليا
ماحدش عشمنا
بل بالعكس
قايلنا هتتعبوا معايا
و مكررها كذا مره
ما كذبش علينا
و بعدين
احنا لسه فيها
و اللي مش عاجبه
يشوفله بلد تانيه تأويه
و يتمتع بالكهرباء فيها ٢٤ ساعه …..زي الفل
مصرنا
عمرها ما كنت سويسرا
طول عمرها الكهرباء بتتقطع فيها و بدون مواعيد
و كنا بنعيش فترة الانقطاع على لمبة الجاز أو الشموع بأول أكسيد الكربون الخانق اللي طالع منها
بل الجراحين كانوا بيجروا العمليات على ضوء الشموع
لإن قطع الكهرباء كان بلا نظام ولا جداول

طول عمرنا كده
و لا جيلي نسي يعني

كلمه بقى للجيل الجديد
هي دي بلدنا
و هي دي ظروفنا
طول عمرها كده
و اللي عاجبه مرحبا
اللي مش عاجبه يروح للبلاد الغنيه
هو حر
بس اوعوا تنسوا ان البلد دي خيرها عليك
و هي اللي اعطتك شهادتك اللي هتسافر بها
يعني جميل البلد من ساسك لراسك

يالله
ربنا يهديكم
و تفوقوا لحالكم
و انظر حولك
حضرتك لست ليبي و لا سوداني ولا يمني و لا سوري ولا عراقي
لاجئ لمصر
انت مصري
و دي ظروف بلدك
طول عمرها كده
مافيش جديد
اللي حصل بس ان فيه لجان الكترونيه بتغضبك على بلدك
فوووووق لنفسك

و نبطل ذاكرة السمكه دي
حضرتك مستهدف
ربنا ينير البصائر