زي ماقولنا ان #القمر في #الجدي مش سعيد ومع وجود تربيع بين #الشمس الموجودة في #الثور وبلوتو في #الجدي بيزود المشاكل والتوتر بينا وبين اي صاحب سلطة في الشغل او البيت ..بيخلي عندنا قلق اكتر ع وضعنا المادي والمهني و ننشغل بصورتنا قصاد الناس وممكن يسبب احساس بعدم الثقة و توتر في المعاملات ..نظرة غير متفائلة للمستقبل بس دي مجرد مشاعر عابرة بدات من يوم 18 ابريل وهتنتهي ان شاء الله يوم 27  

 

رغم ده #القمر في زوايا سعيدة مع #اورانوس و #الزهرة و #المريخ فده ممكن تستفيدوا منه في تضبيط وتنظيم امور شغلكم   وترتيب اي شئ محتاج ترتيب ومناسب لبدء مشاريع طويلة الامد

 

لسه #زحل مربع مع #عطارد اللي بدات من كام يوم ومكملة لاخر الشهر  وزي ماقولنا الزاوية دي بتزيد نسبة الحوادث فيها وتعطيلات الاجهزة الكهربائية والالكترونية والنت ووسايل الموصلات وبتعمل نوع من التشويش وقلة التركيز وتزود النسيان والافكار الكئيبة ..بنتفادي الطاقة دي باننا نراجع ايميلاتنا ورسايلنا  ومعاملاتنا المادية..الفواتير اكتر من مرة ونركز في كلامنا ونخفف انتقادنا للاخرين ونخلي بالنا واحنا سايقيين..اكتر المتأثرين بالطاقة دي طوالع الثور والجوزاء والعذراء

وقت مناسب جدا لبيع وشرا العقارات او الانتقال من بيت لبيت..

الوقت مناسب لخلع الاسنان والحجامة وصبغ وازالة الشعر الغير مرغوب ..مش مناسب لحلاقة وقص الشعر 

مش مناسب لاي عمليات جراحية لها علاقة بالعضم او العمود الفقري

الام العظام و البرد  بيزيدوا خلال اليومين دول فتجنبوا اي مجهود بدني زايد

وزي كل نشرة دي طاقة عامة بتأثر ع الكل بشكل متفاوت وانا مبقولش توقعات ابراج

#نشرة_اخبار_الكواكب