عارفين نوعية التنمية البشرية اللي بتقنعك طول الوقت ازاي تنجح وازاي تبقي غني وازاي تبقي اشطر كتكوت وازاي تلف اعالم قبل الثلاثين وازاي تمتلك شركة قبل الاربعين وازاي تتحول لثور في ساقية في سبق لانهائي مع قطيع مسعور للمال والنجاح هو اللي افقدنا الشغف بالحياة هو اللي خلانا مهما عملنا مش بنتبسط ومهما نجحت نجاحك ناقص ومهما كسبت مالك قليل ومهما كان حواليك بشر فانت وحيد

تنمية شيطانية من نوع خاص بتقنعك انك ابدا ماترضي وابدا مش هتوصل وابدا هتفضل في سبق وانك لازم تجري ورا الولا حاجة ومتبصش ابدا للي بتملكه في اللحظة الحالية عينك دايما ع المستقبل مش الحاضر لحد ماتتفاجئ ان العمر انتهي والشغف خلص وكل سعيك وصلك للولا حاجة لان مفيش حدود لحلمك ولا سعيك وان اهم حاجة في حياتك غالبا مش موجودة لانك فيرحلتك المجنونة مخسرتش غير صحتك وحبايبك

استمتعوا بالحاجات البسيطة اللي في حياتكم علشان مع العمر هتكتشفوا انها كانت الحاجات الاكثر قيمة ..اقتنعوا ان ربنا مقسم الارزاق فمش الكل هيكون غني ولا الكل مشهور ولا الكل ناجح بس ممكن تكون راضي ودي نعمة مستحيل تقتنع بيها وسط عبث وفوضي التنمية البشرية اللي كل واحد قاعد فاضي يجي يديلك نصايح عن ازاي تعيش حياتك وتبقي سوبر مان بيتزحلق ع الحيط