" فَإِنْ ذَهَبْتَ تُقِيمُهُ كَسَرْتَهُ " 

بستعجب الذكر اللي مبيعرفش يستمتع بالإناث و شاغل نفسه إزاي يعدل من سلوكهم ولا أخصائي التربية ! 

و بحس العيال دي معاقة ذهنياً أو معقدين أو دماغهم تعبانة جداً 

الي هو انتي إزاي مش دكر زيي ؟ إزاي عاملة كده ؟ انتي ليه معووجة ؟ انتي بتتمايصي ليه ؟ بتدلعي ليه ؟ بتتعولقي ليه ؟ إزاي عاطفية ؟ إزاي مش منطقية ؟ 

انتي متربتيش طيب ؟ 

باباكي معرفش يعدل العوجة دي ، إستنى أجرب انا كده 

و هو في وسط العملية دي بتكون هي إتكسرت بالفعل و زهدت فيه و في اللي زيه خلاص !

وروى مسلم (1468) عَنْ أَبِي هُرَيْرَةَ، قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: إِنَّ الْمَرْأَةَ خُلِقَتْ مِنْ ضِلَعٍ لَنْ تَسْتَقِيمَ لَكَ عَلَى طَرِيقَةٍ، فَإِنِ اسْتَمْتَعْتَ بِهَا اسْتَمْتَعْتَ بِهَا وَبِهَا عِوَجٌ، وَإِنْ ذَهَبْتَ تُقِيمُهَا، كَسَرْتَهَا وَكَسْرُهَا طَلَاقُهَا 

و ده مش عشان طلاقها في الحالة دي يكسرها هي أو يغير من طبعها ! لأ ده علاقتك بيها هي اللي اتكسرت خلاص، بينما هي طلاقها إنقاذ ليها من واحد مهووس بإنه يقلبها دكر زيه ! 

بتفوت على نفسك فرصة الإستمتاع بيها و شغال تديها في تاسكات ولا كأنها موظفة في شركة 😅

——————

الراجل اللي ملوش في النسوان لايمكن يكون عشرته حلوة !