تعالى أفهمك سيكولوجية الجن العاشق اللي بيسيب ميجان فوكس وأليكساندرا داداريو ويروح يلبس واحدة من بلبيس

ببساطة الأسامي اللي انت قولتها ناس وعيها تخطى حجات كتير جداً عشان تبقى أسامي انت عارفها و انت نفسك قد تكون من بلبيس 

بتعمل ايه بقى رحلة الوعي اللي توصلك لكده ؟ 

بتخليك تتحكم في دواخلك و تسيطر عليها و تفهمها جداً عشان تعرف تطلع لعامة الناس 

في حين ان البنت اللي في بلبيس دماغها مطلعتش من أوضة نومها و سريرها و جواها من المخاوف و الأفكار اللي مسيطر عليها و مصعب عليها تطلع برة الحيز ده أساساً 

فالأسهل عليها ترجع مشاكلها لقوى خفية شريرة مرعبة قادرة تتحكم فيها غصب عنها عشان متشيلش هي مسؤولية أفكارها و تضطر تسعى في اتجاهات تخلي منها ميجان فوكس و غيرها 

 فاللي انت محتاج تفهمه سيكولوچية البنت الملبوسة مش الجن نفسه 

لأن أي حد ضعيف و طاقته قليلة سهل يتلبس عادي و يسلم دماغه كمان عادي

افتكر الأوقات اللي اتنصب عليك فيها 

كنت في أضعف حالاتك و جه انسان لبسك أفكاره و هوووب انت اشتريت ببساطة.