بتتشكل هموم الناس بأفعالها .
و ربك بس أوحالها
فوقعت جوه أوحالها
وأصبح حالنا من حالها
بفضل سكوتنا وقت الظلم
قتلنا وقتها ميت حلم
عن الثوره و ع النهضه و ع التعمير
خلاص كنا على الحافه من التغيير
غباءنا جابنا قاع البير
روتين يومنا اهو لا حرب ولا فيه سلم
عملنا م الفسيخ شوربة.
ف لسعتنا
نفخنا ف الزبادى كتير
ما نفعتنا
وبنغنى الظلام مواويل
و شمعتنا
نداربها ف عز الليل
و تطفيها مواجعنا
بناخد م الفُتات شطره
تسد رمقنا لو جُعنا
يا واخدين م العلام الجهل ما تفوقوا
يا رابطين اللِّجام ف الوحل فيه⬆فوقوا
ما نِعْقِل خيلنا ف صخور الجبال صلدا
و نِعْقَل ف الكلام اصل الحروف خالده
نفوق حبه من الغيبه و م الغفله و م الخيبه
لجل غِنانا . غُنانا ولجل العظمه والهيبه
نعيش بشموخ . نحقق مبدأ التغيير
يا إما للخنوع نرضى ونتقاسم فتات الطير .