وتقابلنا مره ثانيه........ نسينا اي بعد كان
الفرح ف عنينا غنى....والبعاد فات المكان
والقلوب اتجمعت .....وابتسم لينا الزمان
ايوه فاكر :
ايوه فاكر لما ايدك جات ف حضن الايد وكان
شوقنا نفس الشوق ولكن شوق مايوصفهوش لسان
بس قلوبنا اللي حاسه والفرح ف عنينا بان
.. ....وفجأه!!!!!!!!
فجأه فجرتي سؤالك..
فجأه دمرني سؤالك...
فجأه ليه غيرتى حالك...
وفجأة ليه انا دمعي سااال....
والسؤال .:
اللي مابينا دا أيه؟
حب .
حب؟
ونهاية الحب ايه؟
حبينا وعشقنا وهوينا ..
واتواعدنا والتقينا...
واتقابلنا ضحكنا ومشينا وحكينا....
تعالى نبدأ الحساب.
حساب؟
أه حساب ...
نصحى من احلام قلوبنا
اللي فيها واقعنا غاب...
تعالى نهرب من سراب مالكنا
مش كلام لأ ولا عتاب ....
دي الحقيقه . ننهي قصتنا البريئة ،نبعد عن البحر بقلوبنا
قبل ما تبقى غريقه..
دا واقعنا واللي لازم نرضى بيه
.وهيا تحكي ودمعي مش قادر عليه........ ..........
كان ايديا ف حضن ايدك لما قلتي نفترق،
والدموع اللي ف عنيا اتجمدت وقفت وبدأت تتحرق،
والسعادة والأماني بأدينا بدأت تتخنق،
واللي كان بينا ياعمري من النهارده زكريات .
ماضي فات
حب عندك
انتي وحدك
ف قلبك انتي بس""""""""" مات......
عندي انا و ف قلبي باقيِ
ف صبحي وضحايا ومسائي
بحفظ العهد ب وفائي
وأن قابلتك مره صدفه انكريني
وابعدي النني اللي خانني
عني قولي بتكرهيني
اسلبي من نبض قلبي حبه ليكي
وامحي حبك من ضلوعي
وامحي اسمك من جبيني
قولي عني كلام بيوجع اقتليني
قولي كل إللي في قلبك واوعي مره تسمعيني
قولي كان إنسان أناني قولي خاين اذبحيني
اقتلي ف قلبك هوايا و ف كرامتي اطعنيني
بس ماتحسيش عذابي وناري '''بعد ما تهجريني
عهدي مش ح انساه ف لحظه في كل أيامي وسنيني
بس وحياة حبي ليكي عيشي بعدي
وأن قابلتك مره ثانيه........... أنكريني
بس بين روحك وقلبك أوعى تنسى تذكرينى