كأننا لسة امبارح 

نفس الحي ونفس الجامع 

نفس الضحكة و الملامح

أيه اتغير ..

غير شوية ناس حوالينا

وكام سنة عدت علينا 

و الباقي فينا .. 

صوت شقاوة و ذكريات نقاوة 

مهما تعدي السنين مقدرتش تجري من أيدينا

وهتجري فين .. 

ما هو نفس الشارع 

اللي خطى بينا العمر فيه 

وكل يوم نتجمع على قهاويه 

نفتكر الحكاية من البداية 

ونعيد ونزيد 

ونتفق هنتقابل بكرة فين ؟

ما هي نفس القهوة جنب نفس الجامع 

ف نفس الشارع من الحضانة للدراسة للشغل ..

والعمر بالحلو والمُر 

ولسة باقي في الحكاوي جديد