بتعرف تقرا و تدقق

ف كل حاجة بتحقق

و تيجي عندي و تقولي 

منيش فاهماك

برغم اني بتعامل بكل وضوح

صريح وياها بالكامل .. دة أنا مفضوح

بتيجي برضو و تقولي 

منيش فاهماك

قوليلي طب يا ست الكل

انا ايه الغلط فيا

منيش طالب لا ورد وفل

مرادي بس حنية

و حبة طبطبة و ضحكة

و ايد سانداني ف السكة 

وقلب لا عمره يزهدني 

و لا من حبي عمره يمل

يا ريت لو بس تقريني كما الجرنال

و تفتكري اللي ف شبابه لحبك مال

يا ريت لو ترحمي شيبتي 

دة نفسي بس تلتفتي

فهل دة محال