- مها يامها أنا مش بنادى عليكى

- هششش

- هش..انتى قاعدة بتتفرحى ع الماتش وانا بكلمك 

- إيه ..مش شايفنى مشغولة ياعماد .الأهلى جاب جون

- أهلى ايه وزفت إيه ،وبعدين دا ماتش قديم ..يامها...طاب روحى شوفى الواد اللى بيعيط ده 

وبعد ساعة

- إيه عاوز ايه؟

- إنتى لسه فاكرة ..اسمعى يابنت الناس أنا لابحب الأهلى ولا الزمالك ولا الكورة خالص ..تتفرجى آه تشجعى آه بس تهملى فى بيتك وابنك عشان الكورة لأ

- بص بقي انت..تغلط فيا ماشي فى أمى فى أبويا لكن الأهلى خط أحمر 

- وأنا غلط

- مش بتقول مبحبش الأهلى 

- لا..دا انت. لسعتى خالص

- أنا مش عارفه انت بتكره الكورة ليه دى مبدأ

..روح شوف اجواز اخواتى بيعملوا إيه يوم ماتش الأهلى ."سلمى "جوزها فسحها وجابلها فستان" لبنى" جوزها جابلها خاتم دهب ،وانا ياعينى عليا

- ياحبيبتى التعصب مش كويس

- إحنا مع الحق .الأهلى هو نادى القرن وبطل أفريقيا ...رايح فين انا بكلمك ؟

إنتى عاوزة منى ايه؟

- عاوزاك تعمل زيهم.. .بيتفرجوا مع بعض على ماتشات الأهلى وبيتفقوا هيجيبوا إيه لستاتهم بعدالماتش ..روح اسهر معاهم واعمل زيهم انا مش أقل من أى حد

- حاضر..أى أوامر تانية

- لا ياروحى بس إفرد وشك

- اللهم إنى صايم

وبعد يومين

- إيه ياعماد راجع بدرى ليه؟

- أصل الأهلى خسر ،وأنا هعمل اللى اتفقنا عليه انا واصحابى

- إيه ياعماد دا ماتش قديم..هو انتوا اتفقتو ا على إيه؟

- هتعرفى

- إنت بتبحلق فيا كده ليه..وماسك ليه الحزام فى ايدك..انت هتضربنى..على فكرة التعصب مش كويس ياعماد...عماد....لا ياعماد

****يتبع***