في حواري مع شخص ما عن حياتي تقريبا ملقاش حاجة يقولهالي غير إن كويس إن نزيف الخساير وقف بشكل ما بالانفصال وإن كل اللي أنا فيه على مدار ٨ سنين هو مجرد تبعات، ساعتها هزيت راسي إني موافقة..

لكن الحقيقة أنا في نزيف خساير من عمر ال١٦ بعد آخر امتحان ثانوية عامة ب١٢ يوم بالظبط وكل اللي بعمله من ساعتها إني بتفادى الانهيار الكامل وبحاول أفادي المسؤولين مني أي خساير ناتجة عن الغلطة ديه..

بقالي ٢١ سنة حرفيا زي اللي بينط على الحجارة في بركة وحل وهو شايل على كتفه، وبخلص مرحلة أدخل في اللي بعدها ومحدش مد إيده شال عني، برضو أنا مش متوازنة كفاية لإني أقدر أتحمل خسائر طارئة وأنا في طريقي من بشر مقيتين بيتسلوا..

كل التبعات ماديا ومعنويا وعاطفيا بتحملها لوحدي ومفيش شخص دخل او خرج من حياتي يقدر يقول غير كدة وكأنه خطأي أنا..