هل هي زيارتك الأولي ؟دليل الزيارة الأولي

 arhery heros center logo v2

                    من منصة تاميكوم

آخر الموثقات

  • تحضيرات رمضان | 2024-02-25
  • أبث وجداً كفيفاً.. | 2021-02-25
  • قلم على المعاش | 2024-02-25
  • لست خائنا.. ولكنني لا زلت أبحث عنك | 2019-10-20
  • فخر الأُمّة | 2023-11-03
  • أود أن أكون قطة | 2024-02-25
  • رأس الحكمة طارت | 2024-02-25
  • بين السنة والبدعة «ليلة النصف من شعبان» | 2024-02-25
  • عندما تؤتي المَحَاور ثمارها | 2024-02-24
  • كيف تحضر وطنك إلى الغربه ؟ | 2024-02-24
  • العبادة ليست هي أعمدة الإسلام فقط | 2024-02-24
  • كاهنة الأوراس كاهنة أم قديسة ؟! | 2021-06-30
  • قصة قصيرة: يوم آخر للحديث... | 2024-02-24
  • اسمه ايه ! | 2024-02-24
  • الحبُ بطريقتى الخاصة | 2022-04-11
  • ربما نكتب.. | 2020-07-22
  • ربما ضاعت رسائلي.. | 2021-06-09
  • مخدة جميلة | 2024-02-24
  • لو ينفع أتباع ! | 2016-02-24
  • دراستي النقدية عن الترجمة العربية لرواية "الخيميائي "  | 2018-02-24
  1. الرئيسية
  2. مدونة د محمد عبد الوهاب بدر
  3. علال افندي بتاع ياسمين .. و العيد

العيد في الشغل غير ، علي رأي المثل فاضيه و مشغوله ... ، المهم القراءه - او القرايه بما أني بكتب بالعامية اللي ما بحبهاش - هي الحل .. 

 

معييش الحقيقه أي كتاب اقراه ، افتكرت الحقيقه كاتبه بتكتب علي نفسها .... تقريبا بتكتب تقريبا و بعدين تتنفس ... ، تكتب قبل الاكل و بعده .. ، مش عارف موقف الحمام من الكتابه معاها من حيث الاولوية ... 

 

 المهم كتاباتها مختلفه و غريبه حبتين ، ... ، تموت في الخيال و الرعب و الامور الغريبة ... ، و بما انها بتكتب الكترونيا في مدونتها علي النت .. كتبت في جوجل "مدونة ياسمين رحمي" ... و قلت اسلي نفسي بحاجه اعيد بيها علي نفسي .. 

 

خد بالك .. لو حبيت تقلدني .. و تدور علي ياسمين رحمي ... لازم تكتب في جوجل "مدونة ياسمين رحمي " .. لأن لو حضرتك كتبت ياسمين رحمي فقط ، هيطلعلك الفنانة اللولبية ياسمين رحمي ، الحقيقه طلع فيه فنانه مشهوره بنفس الأسم ، لفت نظري انها هتمثل فيلم "اخي فوق الشجرة " ???? .. و ماله .. طالما أبي فوف الشجرة .. فأخي كمان يطلع هو كمان فوق الشجرة .. 

 

المهم انا. طبعا انا مقصدش ياسمين رحمي الممثلة ، اقصد الاخت الكاتبة اللي بتحمل نفس الأسم .. ، دخلت علي مدونتها .. ، لقيت حاجه بعنوان .. "علال العاشق " ... و الواحد عنده اعتلال طبيعي .. فقلت اشوف موضوع علال ده ايه .. خلي الاعتلال يبلغ مداه ... 

 

طلع علال اسم شخص ، من قلة الاسماء يعني ، المهم طلع اسم مغربي كمان ، مهو لازم الكاتب يفقع مرارتنا بواحد علال و يطلع بيلعب في الوداد ... ، ماله الاتحاد بتاعنا .. متفهمش .. المهم الواد المغربي علال .. ،طلع بيحب بنت مصرية و معيده في كلية السياسة و الاقتصاد ... اووه علال المغربي طلع رومانسي ... ، الرمانسية في العيد و علي سواحل البحر الاحمر ما تضرش بردو .. 

 

بعد كام سطر كده الحقيقه .. اصبت بالاعتلال من علال و الهبابة بتاعته .. و قلت بلا علال بلا بتنجان و اشوف رومانسية هندي اصلي من بتاعة شاروخان علي زي افلام اجدع .. ..، لكن الاخت ياسمين رحمي ، لعيبة بردو ... ، محبتش توصلني لنقطة انفقاع و انبجار المرارة .. من غير ما تلحقني ..

 

 ، فجأه القصة قلبت من رومانسية .. لغم .. غم ايه .. ده رعب .... ، علال افندي .. اختفي .. و بدأت الظواهر الغريبه اللي اخت رحمي بتموت في أمها تظهر في القصة ، و بقيت بين نارين ... ، اترعب و اكمل مع بلال ... و لا شاروخان .. ، قررت اترعب و خلاص .. 

 

علال طلع جن ... ، جن بيحب بنت من البشر ..، عادي بردو قصة مكررة .. شفت تقريبا عادل امام و يسرا عملوا فيلم كده ... ، لكن الجديد في قصة المعلم علال .. انه بيقدم مهر "مختلف " لأهل البنت المعيده بتاعة سياسة و اقتصاد متعوم ???? .. عشان يغروها تعوم .. قصدي تتجوز الجن علال 

 

المعلم الجن علال افندي ... خلي اخوها مصمم الديكور .. كاتب محترف بعد ما كان حمار .. .. ، و بدا يغير في قدرات اهل العروسه عشان يسيبوه يتجوزها .. 

 

البنت نفسها عملت من بنها ... قالتلهم انها هتسيبه ،، لانها اكيد مش هتتجوز جن يعني .. بس واضح انها بتضحك عليهم ..، نسبت اقلكم ان البنت في القصة ما تحبش الرجالة البشر .. و راحت تحب واحد جن ... يلا مش خسارة في جتتها .. 

 

 اخوها بعد ما موهبة الكتابه نزلت عليه من عم علال .. بقي بيصارع نفسه .. يوافق ان اخته تتجوز جن .. و يحتفظ بقدراته الجديده .. و لا يرفض .. و يرجع للصفر .. ،؟! 

 

هي بصراحة قصة عجيبه ... ، من بنات و عيال أفكار صاحبة الخيال الباليستي الاخت ياسمين افندي رحمي .. مخصوص للمرابطين علي سواحل الجنوب .. في انتظار أي "علالايه مغربية معدية " .. 

 

عيدكم سعيد ????

التعليقات علي الموضوع
لا تعليقات
المتواجدون حالياً

164 زائر، و1 أعضاء داخل الموقع