كان فيه طفلين عايزين يتفرجوا علي فيلم كارتون ...
بس الفيلم ده كان فيه لقطة صغيره جدا وسيئة الأخلاق ...
هى لقطه سريعه مخله بالادب ...
باباهم رفض تماما ومنعهم من انهم يشوفوا المنظر ده.
وقتها قالو له مش من العدل ابدا انك تحكم علي فيلم كامل عشان لقطه واحده !!!
مش منطق يعني وكمان دي لقطة سريعه وعابرة !
بابا قالهم بكرة تعرفوا معني كلامي
تاني يوم صحيوا من النوم لقوا باباهم محضرلهم تورتة شيكولاته شكلها تحفه وريحتها تجنن
اتبسطوا جدا وقبل ما يبدأوا ياكلو قالهم :
قبل ما تاكلوا محتاج اقول لكم ان في قطعه صغيره جدا من ( براز ) القط بتاعنا موجوده في الكيكه.... ومش معروف مكانها فين
قطعه صغيره جدا لدرجه مش هتحسوا بيها ...لكن باقي الكيكه تمام ونظيف لا تقلقوا
الاطفال رفضت تماما مجرد ان يلمسوا الكيكه
وكمان قالو له الكيكه دي كلها تترمي في الزباله...ده مكانها الطبيعي !!!!
قالهم انا مش فاهم فين المشكله ،
دي قطعه صغيره جدا لدرجة يمكن حتي ما تجيش في الحته اللي هتاكلوها ..
مش معقوله يعني تحكموا علي الكيكه كلها وتقولوا عليها زباله وما تنفعش بسبب قطعه صغيره جدا .
الاطفال قالوا له ان حتي قطعه صغيره من القرف ده طبيعي تبوظ الاكله كلها وتحولها لشئ مقرف لا يصلح للأكل ابدا حتى ولو للحيوانات
ابتسم ابوهم وقالهم :
صح جدا ....
وعشان كده ما ينفعش نشوف افلام فيها ما لايرضي الله وإنتكاس للفطره حتي ولو لقطه صغيره ... الفيلم كله باظ ... ومكانه مزبلة التاريخ .
الاطفال فهموا وقتها وسكتوا بعد ما حسوا بحقيقة الموضوع.
خللي بالك..... دايما الخداع عمله 99% عسل...و 1 % سم .
والحرب دلوقتي علي الهوية وعلي الدين وعلي الفطرة
َوكان لازم التربية بالقدوة وبالفهم وبالمثال النقي الطاهر مش بالضرب والعنف...
للفهم والتربية
????احمي اولادك وأحفادك…
14