الزمن بيسرقنا بيسرق منا اجمل لحظات عمرنا بنعيش حياتنا ونتوه ف مشاكلنا واولادنا وننسى احباننا 

واصحابنا

بننسى نسأل عن بعض حتى ف الموبايل بصباح الخير

الايام 

بتجرى ويجرى العمر

كل واحد مشغول بحياته بهواياته

لما بابدأ العب شطرنج مش احب حد يتصل بيا ويفصل اللعبه ويخرجنى من الجيم

لما اكون باكتب نفس الحكايه

باكون عامله هروب من مهامى ومن البيت والدوشه

لكن 

امبارح

كان يوم جميل روووعه

امبارح كنت ف حنه بنت اختى كان وقت جميل لدرجه انى كنت عاوزة اعمل لجوء سياسى عندها رغم انى اى مكان بره البيت بابقى زى الطفل ف المدرسه منتظرة جرس المرواح 

المرة دى معترضه مش عاوزه امشى الوقت كان روووعه والناس كلها جميله

فرحت برؤيتهم

ووجودى معهم

كلهم كنت نفسى اشوفهم 

قابلت اصغر بنوته ف العيله وف الفرح طفله لذيذة عنيدة نظرتها جميله اعجاب متبادل من اول نظرة كده اسمها نيللى

امورة

 بحب

 الاطفال وبعشقهم

البنات اجمل الكائنات

ببراءتهم

بحضورهم

وفيونكاتهم

وضحكتهم اللذيذة

العروسه قمر وابتسامتها روووعه جميلة ولذيذة وشقية عندها حضور جبار 

وصديقاتها جميلات روح وشكل وفرحانين بيها كلهم

تشبه مامتها كتير ف الجمال و ف خفة الدم والابتسامه الصافية

 انسانه حلوة قلبا وقالبا حلوة حلوة يعنى

الوقت مر بسرعه 

كان وقت جميييييل

مع اجمل وارق 

عروسه 

ف الدنيا

اسم على مسمى

الاء 

وهى فعلا الاء