ساعات بيبقى كل ذنبك إنك اتحمّلت

 وجيت على نفسك كتير ،

ساعات بيكون كل جريمتك

 إنك صبرت أكتر من اللازم

على حاجات كانت محتاجة منك

 حسم للأمور مش هروب 

ساعات بتبقى غلطتك الوحيدة

إن عقلك كبير و بتعدّي المواقف ؛

في حين إن كان ممكن تحس براحة أكتر

 لو كنت عاندت و ثورت و قاومت ..

الحقيقة إنك كان لازم تصرخ و تعترض

 و تكسّر و ترفض أي نوع من الضغوط عليك

أو على حساب راحتك النفسيه

مفيش أسوأ من الصراع النفسي

 والهجوم القائم بين قلب محتاج

وعقل مش مستوعب ...

مفيش أبشع من الحرب النفسية

 اللي قايمة جواك ٢٤ ساعة ما بتنتهيش ...

ما بترحمش نفسك

 من محاولة اجابة مليون سؤال وسؤال

 اجابتهم شبه محزنه .....

عشان كده .....بلاش تستصغر أو تستخف بوجع بني ادم شايف إن حياته وقفت عند حد معين ....

ومش عارف يكمل من غيره ...

لأنه فعلا شايف استحالة العيش

من غير قلبه ونفسه وحسه معاه ...

بلاش تستهين بشعور حد دنيته أشبه بكشكول قديم

 متهالك ومرمي فوق رف كله تراب

 ونسيه الزمن.. ونسيته الأيام

 وحرمته من أكتر قلب محتاج له ..

كفاية شعوره بالفقد

 والوحدة والاحتياج....

 يا تقف جنبه وتحاول تسنده ...

يا تدعي له ربنا يكشف عنه الضر ..💕