زمان كنت بستغرب من نهايات بعض العلاقات 

ازاي في أزواج ينفصلوا بعد 15 سنة أو اكتر وأقول ليه انفصلوا بعد المده الطويلة دى ليه

ومثلا أصدقاء العمر اللي بيقاطعوا بعض ومفيش حد بيقدر يقنعهم يرجعوا علاقتهم مع بعض من تانى . 

لحد ما وصلت لحقيقة أنه في كل العلاقات في حاجه 

اسمها رصيد !!

علاقاتنا بالناس مرهونة برصيد بيتحدد حسب المعزة للشخص عندنا وكل ما التعامل كان بحب واهتمام كل لما الرصيد بيزيد 

وكل ما التعامل كان فيه تهاون الرصيد بيقل.

ومع إحساس البعض ان احنا بنحبهم بيتمادوا بالتصرفات الغير لائقه وأسلوب فيه عدم استعناء

ومش بيعرفوا إنهم بيسحبوا من رصيد العشم والمحبة اللى ليهم عندنا...

وبيعتقدوا ان رصيد التسامح اللى عندنا ده ممتد بلا نهاية وطبعا العلاقة بتستمر لحد ما صاحب صبر أيوب ده صبره يخلص !!

ولما الرصيد يوصل صفر بنكون فقدنا قدرتنا على التحمل 

بعدها قرار قطع العلاقة بيكون قرار نهائي واننا قادرين على اتخاذه بكل ثقة وتأكد وبدون تراجع . 

حافظوا على علاقاتكم وعلى الناس اللي بتسامح كتير 

المدة الزمنية او طول العلاقة مش سبب كافي لاستمراريتها !!