" هقولك ليه الرجالة بتشوف المطلقات شمال " 

الفكرة ببساطة هو ان الراجل بينجذب جنسياً للست البعيدة عنه أكتر من الست العايشة معاه أو أي ست قادر يتواصل معاها 

و ده لأن الست الموجودة حواليه مبتسيبش مجال لخياله يشتغل 

و الراجل في الغالب بيحب بناءاً على خيالاته

بمعنى 

هو هيآخد منك لقطة … و يعمل عليها فيلم 

مش بعيد من ضمن الفيلم ده انك أغريتيه و انتي اللي عملتي و سويتي فيه و كمان خطفتيه 

————-

معرفش إزاي راجل ناضج ممكن يتخيل ان في حد بيتحكم فيه مش ان هو اللي عاجبه الحد ده ! 

يعني ينفع أقولك هو اللي خلاني أجري وراه مش انا اللي بجري وراه ! 

تقنياً محدش هيخلي حد يجري وراه الا لو ساحبه بحبل 

انما كونك انت جريت وراه ف ده فعل صادر منك فمتقرفناش بكتر محاولات التنصل من مسؤوليتك تجاه أفعالك 

ما علينا 

نرجع لموضوعنا

——————

كل ما بقى في مساحة و مسافة و صراعات تصعب قرب الشخص ده منك … كل ما حس انك حلم بعيد فبيستخدم خياله 

الخيال ده بقى بيلعب إزاي دوره في إن الراجل يحبك ؟؟؟؟؟؟  

١- الخيال بيظهر الصفات الحلوة في الشخص اللي بتتخيله 

٢- الخيال بيحسسك ان الشخص اللي بتتخيله ده واحشك أوي

٣- الخيال بيظهرك انتي كأنثى تحدي عايز يوصل له 

٤- الخيال بيحسسه نوعاً ما بالخوف من انه يفقدك 

٥- الخيال بيشغل دماغه عليكي و يا ترى بتفكري ازاي و حاسه بايه و مين بيقرب منك و عايشة ازاي و بتعملي ايه الخ الخ 

٦- البعد بيحسسه أد ايه انتي آمنة و واثقة في نفسك لأنك قادرة تديله كامل حريته

———————

و ده كله بيطور مشاعره من مجرد انجذاب و رغبة …. لحب 

و دي حاجة مش بتوفرها ست متجوزها فعايشة معاه ٢٤ ساعة شايفها في كل حالاتها 

ولا واحدة مرتبط بيها فمتعلقة بيه نفسياً و مهما عمل فيها ضامن وجودها

لكن بسهولة بتوفرها مطلقة مش فارقلها مرواحه من جايته 

ببساطة شديدة