في متعة غير طبيعية في عملية انك فاصل نفسك عن المجتمع و بتتعامل معاه في حدود المعقول 

شغل، خروجة حلوة، أكلة عايزة لمة، سفرية …. كده يعني 

إنما انك تعرف أخبار الناس أو يعرفوا أخبارك 

روحتوا فين، اشتريتوا ايه ، كلتوا ايه، اتجوزتوا مين، اشتغلتوا فين، حققتوا ايه، معاكوا كام، عايزين توصلوا لايه، هتعملوا ايه، نزلتوا مع مين، رجعتوا امتى ….. الخ الخ الخ من التفاصيل دي حجات بشوفها متخصش حد 

و لو في ناس كتير قريبة منك لدرجة عارفة كل الحجات دي عنك 

فإنت إنسان معندكش خصوصية 

و الخصوصية جمالها مش في انك بتخاف من حسد فبتخبي

الخصوصية جمالها في الكتمان و الغموض اللي ظاهر للناس منك و الحميمية اللي ظاهرة لحبايبك من مشاركتهم التفاصيل اللي زي دي    

الإنسان اللي عنده خصوصية مش بيمثل … هو ببساطة محدش على مستوى القرب منه اللي يخليه يصرح بكل تفاصيل حياته  

و يوم ما يقرب حد منه بيكون الحد ده قريب بالفعل ( جزء من قصة حياتك ) مش مجرد انه بيفتح سماعة التليفون يعرف الأخبار !!!