لما تتعامل مع حد عنده مخاوف إوعى تطمنه ! 

سيب المخاوف تجيب آخرها معاه 

سيبه يتخيل أسوأ السيناريوهات 

خليه يتلوى من شدة الألم و التفكير 

عشان يتعلم ان الخوف ملوش آخر فيتغلب عليه و يتشجع أو يخليه يتمكن منه 

و في الحالتين انت الكسبان

هقولك إزاي 

التعامل مع إنسان عنده مخاوف بيحطك انت في بوزيشن انك عمال تطمنه 

فهتطمنه من ناحية هيرجع يخاف م التانية و يتكسف يقولك ان ده كمان خوفه 

كده انت خليته يعتمد عليك في انك تطمنه و خليته يعجز عن انه يطمن نفسه في الحجات اللي مكسوف يقولهالك 

هديك مثال 

إبني و هو صغير كان بيخاف من قويمة الصالون و نقوشات الباب 

و يخاف يروح المطبخ بالليل يرمي حاجة في الباسكت لوحده 

لو قومت معاه أساعده كده انا منفيتش سبب الخوف بالعكس أكدتهوله و هيفضل مرتبط في ذهنه ان سبب الخوف لازال موجود بس الحمدلله محصليش حاجة عشان ماما كانت معايا 

فالأفضل اني أقصد أخليه يرمي حاجة في الباسكت لوحده عشان يتأكد بنفسه ان مفيش حاجة تستدعي الخوف ده كله و نخلص من القصة دي

ببساطة