Work hard, play hard 

من المشاكل اللي بتقابلني كل ما أتعامل مع حد تقليدي هو انه بيقف دايماً عند الشدائد و المصائب و التحديات و يبدأ دراما ملهاش أول من آخر 

و كل ما أحاول أقنع حد بالكونسبت بتاع الموازنة بين الحياة العملية و الاستمتاع يبدأ ينهال عليا بالأحكام من باب ان الدراما دي نوع من الفضيلة … معرفش ده في عرف مين بصراحة 

خليني بقى أقولك ليه انا مبتأثرش ولا باقف أوي قدام الحجات دي 

ببساطة لأننا في الحياة، و الحياة بدون صعوبات مش هيبقالها طعم 

تخيل كده ان كل حاجة ماشية بريتم واحد ؟ 

مش هيبقى في موسيقى و مش هيكون في ابداع 

بدون الكيرڤ بتاع الصعود و الهبوط ده هيبقى كأنك مي-ت 

ده الواحد لو محسش بالألم بيخاف على نفسه و لو بطل يشعر بيكون مريض اكتئاب

فالتحديات و الصعوبات و الفوق و تحت ده بييجي عشان يأكدلك انك عايش و انك ماشي صح 

و كلما اعتدت الموضوع ده أدركت ان الثبات مقلق أكتر بكتير من التقلبات دي، لأن كل ما استمر ثباتك لمدة طويلة كل ما كان الخروج من منطقة الراحة بتاعتك عواقبه لا تحسد عليها 

فمن نفسك كده قوم و اتلحلح و صيع و صيع الناس في دايرتك 

مفيش وقت للدراما حقيقي 💋