ضروري نبدأ نفرق بين الليدي و البنت 

بين الست و البنت 

بين الميلف و البنت

سميها زي ما تسميها مش هنختلف 

لكن هو في فرق كبير أوي بين الأنثى الناضجة و البنت

الفرق ببساطة بيتمثل في ال 

Attitude 

تعالى ندي مثال 

كل ما بتكبري بتفهمي إن ألف باء معاملة رجال هي الإحترام المتبادل 

الراجل يقدر يتحمل يعيش مع واحدة مش بتحبه لكن ميقدرش بتحمل يعيش مع واحدة مش بتحترمه 

و ده ببساطة زي ما أقولك " كلام رجالة " و ده لأن كلام الرجالة لازم يكون 

Straight forward 

مفيهوش ميوعة مفيهوش مرونة ولا يحمل معنيين … الكلمة هي الكلمة 

غير لما أقولك " كلام نسوان " بييجي بعده " متآخدش عليه " لأنه في الغالب متأثر بهرمونات و مشاعر كتير و لأنه فيه تحوير و ألعاب كتير و مبيتقالش بشكله المباشر غالباً  

الراجل يعديلك كلام النسوان و الهرتلة بتاعتك كست لكن في المقابل مينفعش تكسري كلامه كراجل

حلو ؟

ندي مثال تاني

الشغل مسؤولية و احترام ليكي و للناس قبل ما يكون فلوس و علاقتك براجل كذلك مسؤولية و احترام قبل ما تكون فلوس 

لو بتعرفي تشتغلي كويس هتعرفي تحترمي الراجل اللي في حياتك لأنك كده كده بتعرفي تتحملي المسؤولية و تحترمي الناس 

بينما لو تمامك تجيبي فلوس ؟ 

متبقيش ست ناضجة 

اللي يستنى الفلوس تسنده عشان يتكبر بيها على خلق الله ميبقاش شخص ناضج ولا انسان محترم ولا سترونج ولا اندبندنت في العموم

انتي يا دوب شيلتي الانسان و اعتمدتي ع المادة فبسهولة أي حد يشتريكي 

و قبل ما تعيش الدور سامعاك ياللي فاكرني بقلل من قيمة المادة ….. 

عكس الكلام المكتوب فوق ده بردو مش صحيح …. يعني متجيش تقوللي مفروض فلانة ترضى بأي حاجة 

لأ مش من حقك لأن المال فتنة و ممكن اخلاقها تبوظ لو قليت من مستواها او جوعتها و قرفتها

——————

و عشان التداخلات دي كلها و غيرها اكتر بكتير …. النضج بيحير 

فلما تبقى ست هيكون عندك الميزان اللي بتعرفي توزني بيه الأمور دي كلها و ده بيخلي أي راجل يحترمك و يقدرك و يشيلك فوق الراس 

بينما و انتي بنت لازم يبقى فوق دماغك أم بتوعيكي و بتعلمك و بتهدي أخلاقك و بتربيكي و راجل يتم الرجوع له لما تبقى غمقتيها 

فياريت نفرق جداً بين الاندبندنت وومان و الاندبندنت جيرل عشان الشغلانة لمت.