والله احنا اتحسدنا !!
كلنا بنقول الكلمة دي لما بنتخانق مع حد بنحبه

الحسد مش بيجي بس في فلوس أو صحة أو نجاح
الحسد بيشمل العلاقات كمان
الحب بيتنظر
حبك لشخص أو حب شخص ليك
علاقتك بأهلك، بزمايلك في الشغل، أصحابك
هتلاقي من الناس اللي يحسدك على مشاعرك
لهفتك
شغفك
بريقك
لمعة عينك
حب الناس ليك
امتنانك لشخص وامتنان شخص ليك

لو لقيت تغيير مش مفهوم في علاقتك بحد مكنتش تتوقع ان علاقتكم تتعكر
اعرف إن ورا ده كله حسد وتركيز
وحقد من اللي حواليك

ممكن يجي على هيئة سوء تفاهم
قلة اهتمام من أحد الأطراف
تغيير في التصرفات
ممكن تتفاجئ ان اللي كان قريب النهاردة بيبعد نتيجة ظروف أو أشياء غير مفهومة
وهتفضل دايما تدور على الأسباب مش هتلاقي!!

اتعود دايما متظهرش شعورك على الملأ
زي ما بتخاف على الزرع الجميل في بلكونتك ان حد يشوفه فيدبل
خاف على حبك
متحكيهوش
متبينش لهفتك
متوصفش تفاصيله لحد حتى لو لصديق مقرب
متخرجش مشاعرك بره قلبك
(الحب أيضا يصيبه ما يصيب النباتات )..

#monaelokda منى العقدة