بكرة حنحكي فصول الصبر والعزة

وإن ازاى لوحدك إنتي يا غزة

قاومتي بدون ما نتدخل

لوحدك كنتي كالأبطال ما بيهابوا

جهاد الأقصى رافعة رايتُه على بابه

وواثقة النصر راح يحصل

عقيدة قوية راسخة في قلب ضمايركم

مشوفتش أقوى في البشرية دي منكم

ومين يقدر على الحاصل دا يوم غيركم

يا عرب ازاى ضعيف تقبل

ومالآخر خلاص لازم نفوق ليهم

ونحمي أرضنا منهم بتحريرنا لأراضيهم

ما أصل الدور حييجي علينا

لما يخلّصوا عليهم

وبقولها بعلو الصوت

يا نصر يا إما شرف الموت

وآخر كلمتين عندي

حقولهم وكفيانا سكوت

من حق فلسطين تتحرر 

و الأمة العربية تقرر 

إننا كلنا ناخد موقف 

و ٧٣ تتكرر