1-اول ما امدح واصلي.. بركاتك يا نبينا تحضر

   يوم ما نورك وصل لي.. صبح الطريق اخضرَ

2- النفيس مالوش حسابات.. غير جدعنته وبس

   والرخيص ف حيصه بات..غير بنفسه ما حس

3- صاحبي وقدمي علي رجله..والقلب مليان له محبه

   زرعته منجه طلع رجله ..ويا ريت قلبي ما حبه

4- من حول بيت ربي.. حوم يا حمام يا زاجل

   وان قالوا المره بتربي.. م النادر يطلع راجل

5-يا نهار سفحه الظلام.. ولسه ف الحاره.ميه

  لما الغلبان حظه. لام.. ولا ظن ف الحاره. ميه؟!

6- يا عيني عليك يا قلبي.. ويا عيني ع اللي صابه

    هو كل حبيب يا ربي. . يطلع لي تبع العصابه

***

7- وقلبي تاني ما شاكيلوا.. هو اللي جابلي الطين

 . خلي قدمي مشي كيلوا.. وسلمني لقرب كمين

8- عالم مالوش والي.. بكل افعالهم وشوك

   لحد ما ملوا شوالي.. دفره وقش وشوك

9- مصر يا ام النهر.. ف الصفا جاري

    يا ندي وبل الزهر.. وصاحيه فجاري

10- يا قلبي خليك شواف .رعشت كفي فاكرك شديد

   خايف تقطف الجواف.. ولا خايف تروح ف حديد

11- التين يا محلا قطيفه.. وفوق من شجره كروانه

ناعم ماتقوش قطيفه.. وطايب ليه قبل اوانه

12- وانا بزرع واجني تين.. وغمازة خدك سناره

   عليها ياخي وجنتين.. ماتقولش منجه سناره

13- وانا بزرع واجني تين.. فات يمي غزال امور

      عليها حتة وجنتين.. ماتقولش يا خينا تيمور

14- احنا اللي صيغنا كلامنا.. وجيناته رافيتها رفيه

     تلاقي الفرح كالامنا .. وف وسط اجواء ريفيه

15- اللي ف راسها ف راسها.. وبتبحث ع الجراح

      ركبت م الصبح فرصها.. بتدور ع اللي راح

16- لو الجميل صانوه.. ما كان عليهم جه مايل

      سيف العداوه سنوه.. ورجعوا طالبين جمايل

17- لا صديق ولا اخ لاقي.. ولا تمر جيبي ولا. ودي

   ولا قلة ادبي ولا اخلاقي.. ولا كرهانيتي ولا. ودي

18- مصر يا ام الفنون.. خايل عليكي الحجل

   داخل متاحف الكون.. كام الف دبة رجل

19- يا ماشي ف خط سيري.. وكل جنيه ياجي القفه

     هو ياك مافيش غيري.. الواقع من قعر القفه

20- من حول بيت ربي.. حوم يا حمام يا زاجل

     وان قالوا المره بتربي.. مين قال هتربي راجل

21- ومهما عملت جميلك. اياك تقول لبارد حس

      يحتاجك تلاقيه جه ميلك.. وينده باعلي حس

22- طول ما صومنا وصلينا.. وعلي لقمة عيشنا بنعافر

        حتي لو الجوع وصل لينا. ما يخاف الموت إلا الكافر

...

23- اه يا فخ واتنصب. يا مقنف بلحك ما صاص

     الذاي اصحاب القصب. ترموا عليهم المصاص

...

ع البخيل.

24- عامل كريم ونضيف.. ووشه وش مناضر..

   وان قابلني وانا ضيف.. يعمل نفسه ما ناضر

...

ع الحر

25- ده سيف الحر ما تلمش. دايما ف الحق حاند

   غير علي نفسك ماتلمش. ان كنت يوم تعاند

... 

26- اختبار الدنيا قاسي.. والغلب ما نشف ريقي

     دايما ياجي مقاسي.. ودايما زاحم طريقي

27- قليل الاصل لن طاع.. لا ابوه ولا حد هامه

      ويعمل حساب لنطاع.. وبطنه هي كل همه

... 

28- خليك يا حجر مرصوص.. نهابوك ثقافات وحضاره

      وناهبونا والله اللصوص.. ونعمل ايه بالحجاره

... 

29- ان دلدل رقبته وفكر. اعرف للراجل مدام

       هيشاور ويرجع يتنك... وعمره كلامه ما دام

... 

30- يا بني ياللي بتبني الحيط.عصفور الغيط خواليك غني

     ابقي اوزن بناك بالخيط.. عشان البيت يطلع جنه

... 

31- كبيرك تاني ما تلوعاش. اديك بتتمني قديمه

     كبيرك إن مات لو عاش... قول نعمه الله يديمه

...

32- الوتاده يا ابن الناس.. غير.. ف الصلبه تدوقش

      واتلاشي عديم لحساس. . وع المخازي ماتدوقش

...

33- بشر وتحت الحيط لابدين.. وتعبنا يابويا عواصف

      لا اعترفوا بسلف ولا بدين.. لما جالهم نبي ناصف

34- موش كل الناس كالناس.. ومنهم بالباطل باعتينه

     ما هو فيهم خولي كناس.. لكين عمره ما باع تينه

35- ده اللي باما وصيته.. وعبيت له الخير عبي

     ماتقولش كتب وصيته.. تعابين تقرص ف عبي

...

36- قرش كان ف القاع.. نهابوه وجر الخط

     لولا القرش ما جاع.. الا ما وصل الشط

37- عمري ف حياتي ما اقطف.. ورد ليا ما يخصش

   حتي ولو صاحبه مقطف.. الاصيل كده ما يخسش

38- الحر ف الضيق راطنه.. ولا تكرم واطي وتقول لا عادي

     وابعد من صاحب بطنه.. يسوق بيها عليك لعادي

...

39- ويكفينا شر نفوس.. لما منا في نفسها تاكل

      شافني يحك الفانوس.. حضر عفاريت مشاكل

... 

40- سكران وقعدنا جنبه.. ازعجنا يا عم شرابه

    جيت ابرئ من ذنبه.. ما سلمت ريحة شرابه

... 

41- لما راموني ف غرز.. قال هات سيفك تعا بارز

     رب القلوب بيفرز فرز.. قال من غارز ومين بارز

42- عاهدت نفسي بامانه. وطن وقلبي بيه هايم

     جه الحر يُاخد مكانه.. لقي هفايا جابوا بهايم

***

43- الناس عوار لف ودوران .. يصرخ ما بين ما تعس

     غطوها بورق الحرقان.. غير باوجاع موش بيحس

***

44- عدوك ولا هيحن.. وان اهداك جواده

     السن ضاحك للسن.. شايل جواه سواده

.... 

45- شايف ف الارض قاعده.. شايف ف السما طيران

     والدنيا قايمه وقاعده.. مزنوقه ف كذا دوران

..

46- اهو جالنا وجري بينا.. وجرجرنا وراه جرجير

     وانتي تعالي جربينا.. نبيع لك حتي جرجير

...

47- لما ملك الموت لما جه لموتى.. ما اتأخر ولا دقيقه

     وانا قلبى حجر جلموتى.. مايخافشى اى حقيقه

48- مهما كان انا أمرى كان.. في بلدي يا بويا ما أباتشي

     لو خوفت يوم أمريكان.. ولا نووى ولا اباتشى

49- وده فتنه وعامل حريص.. لا فاق من وهموا ولا سرابه

      ويا قاعد جنب الدرابيس.. مين واخد منها سرابه

50- رمشك ولا سكين.. ف قلبي مغزوزه

      علي باب القلب ساكين.. ودي جات لي موزوزه

51- ياللي انتي راسمه لي.. مطب ماله طب

      ليه ده انا كل راس مالي.. اني اعشق واحب

52- انتي ملاك من السما... ع القلب بلسم ونسمه

      جات لروحي منسمه.. تنسي من شافها اسمه

53- يا انت بطل تناغش.. كل ما فيك عاجبنا

   لذا بطلت انا غش.. خلطت السمن ع الجبنه

54- ياللي حبك حيرني. خد قلبي ملئه غلال

     قصاد انك تحررني. تعبت ايوه م الاغلال

55- انا خلاص هتبرئ. من غير دفاع محامى

     هحرر نفسي واتجرئ. . واكتب كلام حامي