= معلش انا نظرتي مختلفة للاتفاق الايراني السعودي .. مسألتش نفسك ليه الاتفاق حيخش التنفيذ كمان شهرين وليس الآن؟ طب ليه اعلنوا عنه فجإة دلوقتي ؟ طب ليه تم الاعلان بعد زيارة رئيس الاركان الامريكي للمنطقة ودعمه المطلق لاسرائيل؟ لماذا بعد اعلان نيتنياهو اعتماد خطة جديدة للتعامل مع إيران ؟ هل يعقل ان بن سلمان يتحدى امريكا فى اكتر وقت هو محتاجها ليقعد على العرش؟ خصوصا بعد التنسيق الكامل بين امريكا والسعودية فى الملف الاوكراني .. ورغم كده الامريكان ساكتين تماما ومفتحوش له قصة خاشقجى زى كل مرة بيبتزوه فيها ... تعالوا اقولكم اجابات الاسئلة دي :  

= في تصوري الشخصي ان هناك ضربة إسرائيلية وشيكة جدا ومدمرة للمفاعلات الإيرانية لتعطيل البرنامج النووى (وصل تخصيب اليورانيوم الآن ٨٣% مقتربا جدا من حاجز ٩٠% اللازم لعمل القنبلة النووية) .. وطبعا متوقع بعد الضربة حيكون في رد فعل ايراني لتهدئة الشعب اللى اصلا ثائر حاليا.. وحيكون الرد غالبا قصف كام حقل نفط سعودي بالصواريخ الباليستية والدرونز .. وده اقصى ما تستطيع فعله ايران حاليا فلن تجرؤ على قصف اى هدف إسرائيلي او امريكي والا سيتم تدميرها بالكامل .. 

= ولتتفادي السعودية الضربة دي قامت بعمل الاتفاق ده اللى لن ينفذ قبل شهرين .. حتكون الضربة غالبا اتنفذت او على وشك التنفيذ .. وساعتها لن تستطيع ايران قصف السعودية. اعتقد السيناريو ده تم بالتنسيق مع امريكا والغرب .. لان دي مش دماغ ابن سلمان ..

= اعتبروني بخرف بس اقروا التساؤلات اللى في اول فقرة في البوست تانى وحتلاقوا ان ده السيناريو الوحيد اللى بيفسر كل القصة الغامضة. .. خالد فى ١٢ مارس ٢٠٢٣.