"بنتعلم كل حاجة من الحياة لوحدنا.. الا القسوة بييجي شخص ويعلمهالنا"..

من كام يوم اتفرجت على فيلم "ومع الاعتذار لكلمة فيلم" .. أقل ما يقال عنه أنه " زفت" ومع الاعتذار لكلمة زفت.. فيلم " بحبك" للاستاذ تامر حسني اللي هو تأليف وإخراج وموسيقى وتمثيل وإنتاج الأستاذ تامر حسني.. بطولة الأستاذة هنا الزاهد والاكستنشن بتاعها وشفايفها هي واختها مش لوحدها.. وباروكة وشفايف وركب وتلزيق الأستاذة هدى المفتي.. المهم يعني اني ندمت قوي " مع الاعتذار لنفسي" بس الغريبة بقى اني طلعت بجملة وحدة صح وحقيقية قوي من الفيلم ده يعني من ساعتين الا ربع طلع بالجملة دي..

"بنتعلم كل حاجة من الحياة لوحدنا.. الا القسوة بييجي شخص ويعلمهالنا".. " مع الاعتذار للجملة"..

دي حقيقة قوي.. تخيل بقى أن الشخص ده يبقى اقرب حد ليك.. او يبقى نفسك مثلا.. يعني بالبلدي شغل المعلم لابنه.. شوف هتقسى ازاي بقى.. 

وعلى رأي الست..

وقدرت اعند وعرفت ابعد حتى الهجر قدرت عليه..

شوفت القسوة بتعمل ايه